महान नेता किम जोङ इललाई शान्ति पुरस्कार

महान नेता किम जोङ इललाई शान्ति पुरस्कार

काठमाडौं÷ प्र.ज.ग. कोरियाका महान नेता महामहिम किम जोङ इलले गत वर्ष २००९ मा कोरियाली र विश्वका जनताका लागि गर्नु भएको शान्ति र सद्भावका निम्ति नेपाल पत्रकार संघले उहा“लाई “शान्ति पुरस्कार २००९“ बाट एक भव्य समारोहका बीच सम्मानित गरेको छ । सो अवसरमा काठमा कुंडिएको आकर्षक सो पुरस्कार प्र.ज.ग. कोरियाका महामहिम राजदूत जा¨ यो¨ छोललाई संघका सभापति मञ्जु रत्न शाक्यले प्रदान गर्नु भयो ।

राजधानीको ठमेलस्थित ब्रुनचीली रेष्टुरामा माघ २० गते बुधवारका दिन भएको विशेष भव्य कार्यक्रममा प्रमुख अतिथि एमालेका वरिष्ठ नेता तथा पूर्व उप–प्रधानमन्त्री वामदेव गौतमले नेपाल र प्र.ज.ग. कोरियाबीच विद्यमान मैत्री सम्बन्धलाई अझै बलियो बनाउनु पर्ने विचार व्यक्त गर्नु भयो ।

उहा“ले प्र.ज.ग. कोरियाको अनुभवबाट हामीले धेरै कुरा सिक्नु पर्ने र यसलाई व्यवहारमा ल्याउनु पर्ने कुरामा पनि जोड दिनु भयो ।

त्यस अवसरमा प्र.ज.ग. कोरियाका महामहिम राजदूत जा¨ यो¨ छोलले नेपाल र कोरिया बीचको सम्बन्ध ज्यादै घनिष्ठ रहेको र जनस्तरमा समेत स्थापित सम्बन्धले मित्रतामा नया“ आयाम थपिएको चर्चा गर्नु भयो । नेपाल पत्रकार संघले कोरियाका महान नेतालाई शान्ति पुरस्कार प्रदान गरेकोमा उहा“ले आभार सहित धन्यवाद दिनु भयो ।
समारोहमा नेपाल पत्रकार संघका सभापति मञ्जु रत्न शाक्यले महान नेता किम जोङ इलको सुयोग्य नेतृत्वमा कोरियाले चौतर्फी विकास गरिरहेको कुरा उल्लेख गर्नु हु“दै महान नेता राष्ट्रपति किम इल सुङसित १९ जुन १९७९ मा प्योङयोङमा प्रत्यक्ष भेटघाट गर्नुका साथै सिधा अन्तर्वार्ता लिने मौका पाएको कुरा बताउनु भयो ।

सभापति शाक्यले महान नेता किम जोङ इलले विश्व शान्तिका लागि गर्दै आउनु भएको कार्यहरुको लागि मुक्तकण्ठले प्रशंसा गर्नु हु“दै नेपाल पत्रकार संघद्वारा २ जनवरी २०१० मा घोषणा भएको शान्ति पुरस्कार २००९ महान नेता किम जोङ इललाई सम्मानपूर्वक प्रदान गर्न पाएकोमा खुशी व्यक्त गर्नु भयो ।
सभापति शाक्यले सो अवसरमा महान नेता किम जोङ इलको सुख, शान्ति, सुस्वास्थ्य र दीर्घायुको कामना गर्दै टोष्ट प्रस्ताव गर्नु भयो ।

सो अवसरमा नेपाल पत्रकार संघका केन्द्रीय पदाधिकारीहरु, वरिष्ठ पत्रकार, अधिवक्ता, प्राध्यापकहरु लगायत अन्य विभिन्न विशिष्ट व्यक्तिहरुको उपस्थिति थियो ।