नेपाल बारेमा चिनीयाँको ताजा विश्लेषण जनता टुलुटुलु हेरेर बस्ने त ?

नेपाल–चीन मैत्री सम्बन्ध नयां उचाईमा

काठमाडौं ÷ मित्र राष्ट्र चीन नेपालको भरपर्दो, विश्वासिलो र पुरानो मित्र राष्ट्र भएको कुरा नेपाल पत्रकार संघका सभापति मञ्जु रत्न शाक्यले बताउनु हुँदै सन् १९५५ मा दुई देशबीच दौत्य सम्बन्ध स्थापना भएदेखि अहिलेका दिनसम्ममा यस किसिमको सम्बन्धले नयां उचाई कायम गरेको कुरा बताउनु भएको छ । मित्र राष्ट्र चीनबाट आएका चिनीयां पत्रकार संघको उच्चस्तरिय चिनीयां पत्रकार प्रतिनिधिमण्डलको सफल पाँच दिने नेपाल भ्रमण भएको खुशीयालीमा सभापति शाक्यले नेपाल चीन दौत्य सम्बन्ध स्थापना भएको ५०औं वार्षिकोत्सवको उपलक्ष्यमा १७ श्रावण २०६५ (१ अगष्ट २००५) मा श्री ५ ज्ञानेन्द्र र चीनका राष्ट्रपति हु जिन्ताओबीच आपसी सन्देशको आदान–प्रदान भएको कुरा पनि स्मरण गराउनु भयो ।

       यस्तै, सो अवसरमा नेपाल–चीन बीचको दौत्य सम्बन्ध स्थापना भएको स्वर्ण महोत्सवको सुखद उपलक्ष्यमा आयोजित एक भव्य समारोहमा चिनीयां राजदूत सुन हेपिङले चीनको तिब्वतसँग नेपालको सिमाना जोडिएको र नेपालको घनिष्ठ महत्वपूर्ण मित्रका रुपमा चीन रहेको उल्लेख गर्दै नेपालसँग सबै क्षेत्रमा मैत्रीपूर्ण सम्बन्ध र सहयोग विस्तार गर्ने चीनको नीति रहेको पनि चर्चा गर्नु भएको थियो । आफूहरु नेपालको असल छिमेकी, असल मित्र र असल साझेदार हुन चाहेको पनि राजदूत हेपिङले उल्लेख गर्नु भएको कुरा स्मरण गराउनु भयो ।

       सभापति शाक्यले तिब्वत चीनको एक भूभाग हो भन्नु हुंदै नेपालको हावा, माटो, पानीले समेत चीनको कहिले पनि विरोध नगर्ने कुरा बताउनु भयो ।

       यस्तै, उपप्रधानमन्त्री एवं परराष्ट्रमन्त्री नारायणकाजी श्रेष्ठले पुसको पहिलो साता चिनीयाँ प्रधानमन्त्री वेन जियाबाओले नेपालको औपचारिक भ्रमण गर्नु हुने बताउनु भएको छ । परराष्ट्रमन्त्री श्रेष्ठले चिनीयां प्रधानमन्त्रीले नेपालमा जारी शान्ति प्रक्रिया र संविधान निर्माणका कामलाई सहयोग पुग्ने गरी आफ्ना तर्फबाट विशेष आर्थिक प्याकेज उपलब्ध गराउने बचतवद्धता दिनु भयो ।

       प्रधानमन्त्री डा. बाबुराम भट्टराईले चिनीयां प्रधानमन्त्री वेन जियाबाओले आगामी पुस ५ गते नेपालको औपचारिक भ्रमण गर्ने कुरा सार्वजनिक गरिसक्नु भएको छ । परराष्ट्रमन्त्री श्रेष्ठले चीन भ्रमणका क्रममा दुई देशबीचको सम्बन्धलाई नयाँ उचाइमा विकास गर्न र चीनले तिब्वत लगायतका क्षेत्रमा भएको विकासबाट नेपालमा पनि सकारात्मक प्रभाव पार्ने गरी सहयोग गर्ने चिनीयां प्रधानमन्त्रीले विश्वास दिलाउनु भएको जानकारी दिनु भयो ।    (अर्पण) साप्ताहिक